Makalihis an nagkapirang semana nin paglangkaw, magkakaigwa naman nin big time rollback an presyo kan produktong petrolyo sa masunod na semana.
Base sa abiso kan Department of Energy Oil Industry Management Bureau, nasa P1.15 hasta P1.35 an ibabawas sa presyo kan kada litro nin gasolina.
Nasa P2.00 hasta P2.20 man an bawas sa presyo kan kada litro nin diesel mantang P1.90 hasta P2.00 para sa kerosene.
Epekto an rollback kan pagbagsak nin demand sa produktong petrolyo sa world market.
Nakatabang man an pagbabalik sa operasyon kan oil field sa Libya ngani na liwat na maglangkaw an produksyon.
Ipapaotob an rollback sa Agosto 27, aldaw nin Martes.
