Magkakaigwa nin panibagong paghiro sa presyuhan kan produktong petrolyo sa masunod na semana.
Basado sa pagkakarkulo posibleng magkaigwa nin nasa 20 sentimos hasta 30 sentimos na tapyas sa kada litro kan kerosene.
Segun man sa international trading na bako pa sierto kun magkakaigwa nin rollback o price hike sa kada litro kan gasolina asin diesel.
Basado sa Department of Energy-Oil Industry Management Bureau na nagkaigwa nin pagluya nin demand sa China asin Estados Unidos sa nakalihis na mga aldaw.
Komon na pig-aanunsyar kan mga kumpanya an pinal na adjustment tuyong aldaw nin Lunes asin pigpapa otob tuyong Martes.
