LEGAZPI CITY-Dae pignenegaran ni Philippine Amalgamated Supermarkets Association President Steven Cua, na nagkapirang produkto an pinaglalaoman na mahalangkaw an presyo sa bulan kan Abril.
Huli ini sa padagos na krisis sa Middle East kun saen naapektaran an suplay kan produktong petrolyo.
Dagdag pa kaini na nagkapirang mga sangkap o raw materials kan mga produkto sa merkado an hale sa ibang nacion.
Enkaso suboot na maghaloy pa an gera, laoman na gabos na produkto sa merkado an mantinidong mahalangkaw.
Nagkapirang produkto man an naglangkaw an presyuhan orog na sa mga probinsya huli ta kaipuhan pa ining ibiyahe asin halangkaw an presyo kan nagkapirang mga negosyante.
Igwang mga manufacturers man an nag-abiso na mahalangkaw man sinda nin presyo sa Abril 1.
