LEGAZPI CITY- Aminado an mga eksperto na posible pa an paglangkaw sa presyo kan bonay ngunyan na paparani an kapaskuhan.
Segun kay Philippine Egg Board Association President Francis Uyehara sa intrevista kan Bombo Radyo Legazpi na nagpoon an paglangkaw nin bonay kan mga nakalihis na bulan asin magpapadagos hasta sa Disyembre.
Pigtaram man kaini na nalugi an kadaklan sa mga farms kan panahon nin tag-init kaya nagresulta sa pagbawas kan saindang mga manok.
Napag-araman na nagkaigwa man nin imbalance sa distribution sa sizes sa nakalihis na mga bulan.
Segun ki Uyehara na kasabay kan paglangkaw kan suplay, naglangkaw man na demand puon kan Hunyo huli sa pagbabalik-eskwela kan mga estudyante.
Ngunyan na Disyembre, pinaglalaoman pa an padagos na paglangkaw kan demand kan bunay huli sa dakol na mga nagdadangadang na okasyon.
