LEGAZPI CITY-Nagpahayag nin dakulang kaogmahan si Presidential Adviser on Bicol Affairs Undersecretary Marbel Clavecilla katakod kan nakatalaang activation kan dating naval base sa provincia kan Catanduanes tangarig na magsirbeng pinakadakulang coast guard base sa nacion.
Enot naman na ipighayag ni Governor Joseph Cua sa suway na intrevista kan Bombo Radyo Legazpi na iko-construir an pasilidad tangarig na magmonitor sa mga aktibidades sa Philippine Rise o Benham Rise sa Dagat Pasipiko.
Tinawang-duon ni Usec. Clavecilla na dugang na proteksyon sa mayamang natural resources sa nasabing lugar an pagdadagos kan planong ini.
Dawa aminadong bako pa bastante an impormasyong nakukua sa magigin dalagan kan proyekto, suportado kan opisyal an mga esfuersos sa Benham Rise.
Nagtutubod man si Clavecilla na dakulang bentahe asin ganansya kaya an madadara kaini urog na sa mga lokal na parasira.
