Pinasisierto ni Presidente Ferdinand Marcos Jr sa mga lokal na gobierno sa Bicol an kahandaan kontra sa mga kalamidad.
Sa padagos an paghahanda kan gobierno sa panahon kan tag-uran, siringman sa pagtama kan makukusog na bagyo asin pagbaha.
Huli digdi, sinugo ni Presidente Marcos an mga local government units asin gabos na mga ahensya kan gobiero sa rehiyon na rikisahon an mga plano ngani na magin handa sa kada may huma nin raot nin panahon sa rehiyon.
Halos taon-taon kaya an kadakol na nag-aagi an mga bagyo sa Bicol.
Sa saiyang speech sa pananao nin financial assistance sa Legazpi City, sinabi kan Presidente na dapat siertuhon kan mga lokal na gobierno na magin salbado an gabosna mga residente sa sa panahon kan kalamidad.
Sisiertuhon man na may bastante na suplay nin pagkaon asin pangenot na pangangaipo an mga maapektaran kan kalamidad.
Inihayag pa kan Presidente na sa lado kan gobierno an padagos na nakasubaybay asin naka-agapay sa mga local government units sa anumang sitwasyon.
