Aminado si Presidente Ferdinand Marcos Jr. na makahadit an mga pahayag na nadangog niya kan nakalihis na mga aldaw.
Ini an kasunod kan patanid na binutasan ni Vice President Sara Duterte na ipapagadan an presidente, si First Lady Lisa Marcos asin Speaker Martin Romualdez kun igwang mangyayari saiya.
Paliwanag kaini na kun madaling pagbantaan an buhay kan presidente kan Republika kan Pilipinas, siertong mas madali pa na gibuhon ini sa sarong ordinaryong namamanwaan.
Segun sa pahayag na ipinaluwas ni Presidente Marcos na dae na kuta mauli sa anuman na drama kun mas pinili na simbagon an mga lehitimong kahaputan kan Kamara de Representante asin kan Senado.
Hagad man kan presidente na matuldukan na an kaparehong mga pangyayari.
Dugang pa kaini na sa ibong kan mga pagtuyaw, nakatutuok an saiyang atensyon sa pamamayo sa nacion alagad siniertong dae iko-kompromiso an rule of law.
