Pig-enganyar ni Pope Leo XIV an mga Katoliko na arugon an karahayan ni Hesukristo asin magserbi sa kapwa, urog na sa mga nasa laylayan kan sociodad, kasabay kan pagselebrar kan Cebu kan ika-461 Fiesta Señor o Kapistahan kan Poong Santo Niño.
Sa sarong surat na binasa ni Vatican Secretary of State Cardinal Pietro Parolin, ipinamibi kan Santo Papa na an Kafiestahan kan Santo Niño ngonian na taon magin pagkakataon para sa mga Katoliko na padagos na magin mga aki nin Dios sa paagi kan pagbuhay kan pangapodan kan bunyag, mamuhay ki pano nin biyaya ki Kristo, asin pagserbi sa kapwa bilang patunay kan pagkasararo asin pagkamoot kan Most Holy Trinity.
An surat an ipinadara sa mga Augustinian kan Minor Basilica kan Santo Niño sa Cebu.
Magigirumduman, antes ma-elihir bilang ika-267 Santo Papa, nagbisita si Pope Leo XIV, kan siya pa an sarong cardinal, sa Cebu kan taong 2004 bilang Prior General kan mga Augustinian.
An Fiesta Señor an sarong taonan na relihiyosong selebrasyon na ini-alay kay Sto. Niño de Cebu, an imahe kan Niño Jesus na pigkokonsiderar na pinakagurang na Kristiyanong relic sa Pilipinas.
