Nangapudan si Pope Leo XIV na ipundo an nagrararom na “spiral violence” sa Middle East, kasunod kan pag-atake kan United States asin Israel sa Iran na sinundan man nin mga pagbalos nin airstrike.
Sa saiyang mensahe sa mga deboto sa St. Peter’s Square, nagpatanid an Santo Papa sa posibilidad kan sarong dakulang trahedya kun dae tulos mapupugulan an paglala kan iriwal.
Segun sa Santo Papa, sa hampang kan huma kan sarong dakulang trahedya nangangapudan suboot siya sa mga imbueltong nacion na magkaigwa nin moral na paninimbagan nganing ipundo an presenteng nangyayaring karahasan bago pa ini magkawa nin mas malalang danyos.
An mga nagin pahayag kan Papa an kasunod kan padagos na palitan nin pag-atake sa pagultangan kan Iran asin kan US asin Israel na nagkakawsa nin pagkahadit sa posibleng mas dakulang destabilisasyon sa Middle East asin sa pankinabang komunindad.
