Pig-enganyar ni Pope Leo XIV an mga Katoliko na dai magin manhid o maparalisado huli sa takot, sa tahaw kan nagpapadagos na mga giyera sa manlaen-laen na parte kan kinaban, kundi imbes maghingoa para sa katoninongan.
Sa saiyang Easter vigil mass homily sa St. Peter’s Basilica kan Sabado nin banggi, pigduon niya an peligro kan nagdadakulang kawaran nin tiwala na nakakaraot sa relasyon kan mga nasyon.
Segun sa Santo Papa, dai nyato dapat pagtugutan an satuyang sadiri na maparalisado.
Sinabi niya na an kawaran nin tiwala asin takot an nagtugot sa mga relasyon sa pagultanan nyato na maputol sa paagi nin gera, kawaran nin hustisya, asin pagsuruwayan kan mga tawo asin nasyon.
Sa ibong kan warang espesipikong nasyon an nasambitan sa saiyang homiliya, bisto si Pope Leo bilang sarong vocal na kritiko kan presenteng giyera sa Iran.
Kan nakaaging Domingo, maisog niyang sinabi na sinayumahan nin Dios an mga pamibi kan mga lider na nagpoon nin kariribokan asin may “mga kamot na pano nin dugo.”
Direktang nag-apela si Pope Leo ki US President Donald Trump kan Martes, na naghahagad nin “off-ramp” o paagi nganing permanenteng matapos an nasabing iriwal.
