Nagkaolay sa telepono sinda Pope Leo XIV asin Israel President Isaac Herzog nganing itular asin matapos na an nagpapadagos na giyera sa Middle East, aga nin Biyernes, Abril 3.
Kinumpirmar ini sa sarong statement na iniluwas kan Holy See Press Office, kun saen ipigdoon kan Santo Papa ki President Herzog an pangangaipuhan na buksan liwat an gabos nin posibleng linya kan diplomatikong diyalogo nganing mapundo na an gabos na malubhang iriwal.
Obheto kan pag-oolay na ini na makahanap nin paagi para sa sarong matibay asin panghaluyan na kotoninongan sa rehiyon, urog na sa konteksto kan nagpapadagos na giyera.
Nagtapos an nasabing pag-oolay sa pagtaong doon kan Santo Papa sa importansya kan pagprotehir sa mga sibilyan asin pagrespeto sa international humanitarian law.
An nasabing pag-olay sa pagultangan kan Santo Papa asin Presidente kan Israel an sa tahaw kan pagselebrar kan Easter (Pagkabuhay) asin Jewish Passover, kun saen nagribayan man sinda nin pagbati.
Si Pope Leo XIV, na nagpahayag ninl labing pagkahandal sa naghahalangkaw na karahasan, asin padagos na nanganagapudan sa mga lideres kan kinaban na pilion an kaysa sa armas.
