LEGAZPI CITY-Nagtapos an MGI All Stars journey ni Gazini Ganados kan Pilipinas sa Top 5 makalihis na dai niya makuwa an pwesto sa Top 3 sa final night kan pageant na ginibo sa Bangkok, Thailand.
Bago madeterminaran an Top 3 finalists, an limang natatadang delegado nagsimbag nin manlaen-laen na hapot gikan sa judge na saindang napili.
Pinili ni Ganados an judge Ghanian beauty queen-singer na si Abena Appiah, na naghapot saiya kun anong mga lakdang an dapat gibohon kan sosyedad laban sa cyberbullying.
Sinimbag naman niya na dati sa paagi kan pagheras kan saiyang eksperyensya bilang biktima nin cyberbullying.
Segun saiya na bilang sarong Filipina-Palestinian, itinaas niya an saiyang boses asin dinaog an saiyang takot huli ta inatubang niya an mga pakikipaglaban sa kadifisilan.
Kasunod kaini, inihayag niya na naipit pa sa Gaza an saiyang pamilya, na nakikipaglaban ngonian para sa saindang buhay, kun kaya mawot niyang magin pinakamarahay na representasyon ngani itaas an bandera bilang sarong Pilipino asin Palestino.
Mientras tanto, konoronahan man si Vanessa Pulgarin kan Colombia bilang winner kan first edition kan MGI All Stars.
