Liwat na pinatunayan ni Gazini Ganados an saiyang tibay sa international pageantry makalihis makalaog sa Top 3 kan Preliminary Swimsuit Competition kan Miss Grand International All Stars 2026.
Sa ipinaluwas na resulta kan kompetisyon, nakakuwa an Filipina beauty queen nin score na 9.79, rason ngani na mapabali siya sa may pinakahalangkaw na marka asin mas nagin pusog pa an kampanya para sa pinaka enot na Miss Grand All Stars crown.
Nangenot sa swimsuit preliminary an kandidata kan Ghana na si Faith na may 9.88, kasunod an Colombia na si Vanessa Pulgarin na may 9.84, mantang si Gazini an ika-tulo.
Segun sa mga pageant observers asin fans, liwat na ipinahiling ni Gazini an saiyang commanding runway walk, confidence, asin strong stage presence na naging rason ngani na makakuwa siya nin halangkaw na marka hali sa mga hurado.
Sa kabilugan na Top 15 preliminary swimsuit rankings, kumpwesto ini kan mga kandidata hali sa Venezuela, Dominican Republic, Armenia, Ecuador, United Kingdom, Thailand, asin iba pang mga nacion na nagpahiling nin matinding kompetisyon sa All Stars edition kan pageant.
Gigibuhon an coronation night sa May 30 sa Bangkok, Thailand.
