Inilipat kan Philippine Deposit Insurance Corporation (PDIC) an P107.23 bilyong sobra na pondo kan nakaaging taon sa Bureau of Treasury (BTr).
An lakdang na ini an alinsunod sa mandato kan Kongreso sa irarom kan General Appropriations Act of 2024 asin sa opinyon kan Office of the Government Corporate Counsel.
Pig-asigurar kan PDIC na nagtetenir na bastante an saindang Deposit Insurance Fund (DIF) nganing masakop an mga serbisyo asin peligro sa sistema kan pagbabangko asin magtao nin epektibong serbisyo sa publiko.
An mga pondong nailipat an gagamiton sa mga pangenot na proyekto kan gobierno arug kan imprastraktura, serbisyong panlipunan, asin iba pang priority projects na makakatabang sa pag-uswag kan ekonomiya asin pagtapos sa pagtitios kan mga namamanwaan.
