LEGAZPI CITY – Kabit-kabit na isyu na suboot an nakapalaman ngonian sa orolay sa Philippine Offshore Gaming Operators (POGO) outlets sa nasyon na dapat nang maimbestigaran segun sa Makabayan bloc kan Kamara.
Kasuodma kan isunad kan grupo an House Resolution 221 na obhetong idiskutir sa House committees on gaming and amusement asin good government and public accountability an paglakop kan mga POGO outlets asin an epekto kaini sa ekonomiya asin seguridad kan nasyon.
Pag-eksplikar ni Bayan Muna Party-list Representative Carlos Isagani Zarate sa intrevista kan Bombo Radyo Legazpi, nagkapira sa mga POGO outlets o hubs an ipinosisyon harani sa mga istasyon kan pwersa kan gobierno.
Dae suboot mahali an pagdududa kan nagkapirang siring na sana suboot sa dating resort sa Cavite na ginibong POGO hub na harani sa naval station.
Segun ki Zarate, dapat na aram na kan nasyon na bako sana sa ekonomiya agresibo an China sa presente, kundi magin sa aspetong militar.
Afuera pa sa nasambit, kinwestiyon man ni Zarate kun tama an buwis na pigbabayadan kan mga ini siring man an nagkapirang isyu sa human trafficking.
Ipigduon kan lehislador na dapat na magin mabusisi asin maingat an Pilipinas, asin bako sana pirming pig-aako an mga promesa.
