Nagpatanid an Presidential Communications Office (PCO) na warang sasaltuhon an gobyerno sa pagbukod sa mga nagpapalakop nin “fake news,” partikularmente an mga malisyosong impormasyon manungod sa First Family asin sa salud ni Presidente Ferdinand Marcos Jr.
Segun ki PCO Acting Secretary Dave Gomez, ipapaotob kan gobyerno an sarong “zero tolerance policy” laban sa mga indibidwal o grupo na tuyong naggigibo nin mga istorya ngani maglakop nin kalibungan asin kawaran nin tiwala sa gobyerno.
Sinabi pa ni Gomez na warang itatangi asin warang sasaltuhon.
Hahanapon ninda an mga nasa likod kan banraraot asin papaninimbagon sinda sa hampang kan ley.
An patanid an kasunod kan pagkadiskubre nin mga post sa social media na nagpapalakop nin mga salang report dapit sa salud kan Presidente asin mga bagay na may kinaaraman sa First Family.
Pigdoon kan kalihim na an mga arog kaining klase nin disinformation an bako sana personal na pag-atake kundi pag-atake man sa katatagan kan nasyon.
Sa presenteng, aktibong nagtatrabaho an PCO Anti-Fake-News Desk, katuwang kan Department of Justice (DOJ) asin National Bureau of Investigation (NBI) ngani na aramon an source asin peddlers kan nasabing impormasyon.
 has warned that the government will spare no effort to isolate those who spread “fake news,” particularly malicious information about the First Family and the health of President Ferdinand Marcos Jr.){kind=link}