LEGAZPI CITY-Ipighayag kan Philippine National Police (PNP) na nakatutok sinda sa pagbusisi asin seguridad kan mga ebidensya katakod kan pagkagadan ni dating Department of Public Works and Highways (DPWH) Undersecretary Maria Catalina Cabral, makalihis madukayang wara nin buhay an dating opisyal sa Benguet.
Segun kay Philippine National Police Acting Chief Police Lieutenant General Jose Nartatez Jr., pig-interrogate na ninda an driver ni Cabral makalihis na bayaan niya an dating opisyal kan DPWH kan Huwebes sa Kennon Road sa Tuba, Benguet, basado sa kamawotan mismo kan nasabing opisyal.
Sinabi ni Nartatez na sa ngonian nakumpirma na an pagkagadan ni Cabral, an masunod nindang iimbestigaran.
Dugang pa kan hepe na nakikipag-koordinar na an PNP sa Independent Commission for Infrastructure (ICI) asin iba pang katakod an ahensya ngani matukoy an mga ebidensyang kaipuhan i-asigurar kasunod kan imbestigasyon sa flood control projects.
Ipigsugo man ni Nartatez an mas mahigot na superbisyon sa mga lokal na yunit kan pulisya na nagkakapot kan kaso ni Cabral ngani maibitaran an anumang lapses, kasunod kan pag-relieve sa puwesto kan hepe kan Tuba, Benguet Police.
