LEGAZPI CITY- Pigbabantayan na ngunyan kan mga kapulisan an mga gun owners katakod kan nagdadangadang na pagsabat kan bagong taon.
Paliwanag ni Albay Police Provincial Office Director Police Col. Julius Añonuevo sa intrevista kan Bombo Radyo Legazpi na kinakaipuhan na maibitaran an anuman na insidente nin stray bullets na posibleng maka biktima sa mga namamanwaan.
Segun sa opisyal na may listahan na sinda kan mga uniformed personnel na lisensyado sa pagsadiri nin badil.
Kaibanan sa mga ini an mga miyembro kan Philippine National Police, Armed Forces of the Philippines, Philippine Coast Guard asin iba pang mga ahensya.
Sinabi kan opisyal na enkasong igwang mabiktima kan ligaw na bala, mas madali an magigin imbestigasyon sa paagi kan paghahanap sa mga gun owners.
