Kinumpirma kan pamunuan kan Philippine National Police na nag-abot na sa apat na indibidwal an kabilogang bilang kan mga nairehistrong gadan na indibidwal gikan sa kumpirmadong election-related incident sa nacion.
Pigtaram ni Philippine National Police (PNP) Spokesperson PBGen Jean Fajardo na an datos na ini an gikan sa 23 na suspected election-related incidents.
Nairehistro an bilang na ini poon Enero 12 hanggang Marso 2 kan presenteng taon.
Gikan sa kabilogang 23 suspected election-related incidents, walo digdi an nakumpirmang may kinaaraman sa eleksyon mantang apat gikan sa walong confirmed election-related incident an nairehistrong nagadan.
Kinaimbueltohan ini nin limang shooting incident, cyber libel, mauling asin bombing incident.
Padagos man an pigsasagibong pagbantay kan mga personahes kan mga kapulisan para masierto an matoninong na eleksyon ngunyan na taon sa nacion.
