LEGAZPI CITY- Nagtao nin pasasalamat an kapulisan sa padagos na kooperasyon asin pakikipagtabangan kan komunidad nganing malabanan an mga kreminalidad.
Sa intrevista kan Bombo Radyo Legazpi kay Pol. Lt. Karen Formales an tagapagtaram kan Albay Police Provincia Office, nagdakol suboot an mga naarestar na mga drug personality, wanted person asin iba pang mga suspek manlain-lain na kaso huli sa tabang kan mga residentes.
Dakol suboot na mga drug suspect an pigrereport kan mga concerned citizen kung kaya naisasairarom sa operasyon asin naarestar kan PNP.
Marikas man na nagrereport an komunidad sa mga nahihiling na mga armadong persona, mga nangyayaring krimen asin presensya kan mga rebeldeng New People’s Army (NPA) kung kaya marikas na nakakapagresponde an kapulisan.
Hagad kan opisyal na padagos pang makipagtabangan an publiko sa mga otoridad asin tulos na mag-abot sa saindang mga hotline ngani na mapangatamanan an seguridad kan gabos.
