LEGAZPI CITY- Preparado na an kapulisan sa rehiyong Bicol para sa ilalatag na seguridad katakod kan paparaning Semana Santa.
Segun ki Police Regional Office 5 Director Brig. General Andre Dizon sa intrevista kan Bombo Radyo Legazpi na papakusugon an police visibility asin maglalatag nin mga personahe sa mga lugar na komon na pigpapasyaran kan mga namamanwaan.
Kaibanan pa sa mahigot na tututukan an mga pantalan, terminal asin erpuerto ngani na masierto na salbado an mga mauli sa saindang provincia asin an mga turista.
Basado sa datos, pigkakarkulong nasa 9,000 na mga personnel an idi-deploy sa bilog na rehiyong Bicol.
An mga kapulisan na ipapalakop sa mga tinampo asin matatawong lugar an magtatao man nin asistensya asin serbisyo sa publiko.
