Kinumpirmar kan Leyte Provincial Police Office na sinunadan na nin kasong illegal possession of firearms asin pagbalgar sa election gun ban an pitong pulis na konektado suboot sa pambabadil ki Albuera mayoral candidate Rolando “Kerwin” E. Espinosa Jr.
Segun ki Police Colonel Dionisio Apas Jr., Provincial Director ng Leyte Police, 14 armas an nakumpiskar gikan sa mga pulis, kun saen an nagkapira digdi an bako rehistrado. Kairiba digdi an mga badil na riple asin pistol.
Segun ki Apas, an pitong pulis an presenteng nasa administrative custody asin isasairarom sa administrative proceedings.
Dae pa pigbisto an saindang mga pangaran, alagad kinabibilangan sinda nin sarong police colonel, lieutenant colonel, staff sergeant, tulong corporal, asin sarong patrolwoman.
Giit ni Alpas, dae pa sinda pigkokonsiderar na suspetsado, kundi persons of interest mantang padagos an imbestigasyon.
Paliwanag kaini, kaya enot na munang isinunad laban sainda an kasong pagbalgar sa gun ban.
Sa isinagibong paraffin test, nagluwas na negatibo an pitong pulis, alagad positibo man sa gunpowder residue an gabos na 14 badil na nakumpiskar gikan sa mga ini.
Segun ki Police Lt. Col. Vivien Malibago kan forensic unit, an negatibong resulta kan paraffin test an bako konklusibo, huli ta dakol na rason an pwedesir makaapektar siring kan pagsulog nin gloves, laba kan badil, asin kondisyon kan kapalibutan.
Magigiromdomang binadil si Espinosa kan Abril 10 mantang nasa sarong campaign event. Tinamaan si Espinosa sa toong abaga, mantang irido man an saiyang tugang asin sarong menor de edad.
Sinabi ni Espinosa na posibleng pulitika an motibo kan pambabadil saiya.
