“Purely socials” o pagtitipon sana an nangyaring dinner kasubanggi sa harong kan presidente kun saen hosts sina President Ferdinand Marcos Jr. asin First Lady Liza Araneta-Marcos.
Segun kay Senate President Francis “Chiz” Escudero, an dinner kasubanggi sa Malakanyang an kabtang kan saindang regular o seasonal gathering sa pagultangan kan mga miyembro kan Senado asin kan Presidente.
Warang pormal suboot na programa o iba pan orolay na nailatag asin sarong “chilax dinner” sana.
Sa pagkakaaram niya man, an gabos na mga senador an imbitado asin piglinaw kaini na nag-atendir si Senadora Grace Poe alagad late nang mag-abot.
Taliwas man sa sinabi ni Senadora Imee Marcos na wara sa dinner nin huli ta warang imbitasyong naresibi, pigtaram ni Escudero na sa saiyang pagkakaaram na imbitado an gabos na senador asin warang exception digdi.
Siring man kaini an pahayag ni Senador JV Ejercito kan mahapot ini kun may kinaaraman ba sa peace rally kan Iglesia Ni Cristo (INC) an ginibong dinner asin wara suboot na pigtukar na politikal na orolay sa saindang pagtitipon.
