LEGAZPI CITY – Nanindugan an pirang residente kan Malilipot, Albay na naparayo sinda sa saindang hanapbuhay makalihis na ma-ebakwar huli sa nagpapadagos na pag-aalburuto kan Bulkang Mayon.
Segun ki Jefferlaine Bolaños na sarong freelance designer asin residente kan Barangay Calbayog kan naunambitang banwaan sa intrevista kan Bombo Radyo Legazpi na pira sa saiyang mga costumer an nagkansela na kan saindang mga events huli sa mga aktibidad kan Bulkan.
Afuera suboot saiya an nakakamate man nin kadifisilan an mga residente niyang paraooma asin abacaleros huli ta kadaklan sa saindang omahan an nasa laog kan 6KM permamante danger zone.
Pagdoon niya na kaipuhan magdiskarte sa mga siring kaining sitwasyon nganing magkaigwa sinda nin panggastos sa pang-urualdaw sa ibong kan pigtataong ayuda kan gobierno.
Nagpapasalamat man si Bolaños sa mga may marhay na boot na nagtataong tabang sa mga arug nindang Internally Displaced Persons nganing mairaos an saindang buhay sa tahaw kan kalamidad.
