Legazpi City- Inabisuhan kan Pio Duran Municipal Disaster Risk Reduction office an nagkapirang mga motorista asin namamanwaan na nag-aagi sa parte kan Alabangpuro-Oringon Road. makalihis na makapagrehistro nin minor landslide sa naunambitang lugar.
Sa intrevista kan Bombo Radyo Legazpi kay Noel Ordoña an pamayo kan Pio Duran Municipal Disaster Risk Reduction office , napag-araman na nanutaran an landslide kan nakalihis pang Bagyong Enteng alagad nin huli sa dae man masyadong pinag-aagihan an lugar kaya dae tulos narisa an sitwasyon.
Tulos man na binisita kan team nin Pioduran MDRRMO asin kinompirma an naunambitang landslide.
Sa isinagibo man na assessment ay haros 1 metro na sana ay posible nang maabot an railings kan tinampo kapag dagos pang nakaranas nin pag-uuran sa banwaan.
Dae na man suboot masagibo nin Clearing operation sa lugar nin huli sa dae man na haraning mga harong asin dae pa man na nakakaabot sa tinampo an mga nagrasay na daga.
Mientras tanto preparado na man an Pio Duran MDRRMO para sa pagtataong assistensya asin siguridad sa mga mabosota sa mga kampo Santo o sementeryo sa banwaan.
