Nasa kritikal na kamugtakan pa an Pinoy na si Kean Kaizer Talingdan, kun sain nagtitinir ining nakadepende sa mechanical ventilator support nganing makahangos nin tama makalihis na magsapo nin matitinding paso sa saiyang hawak huli sa kasulo na nangyari sa Le Constellation bar sa Crans-Montana, sarong ski resort sa Switzerland.
Segun sa ina kan binatilyo na si Kristal Talingdan, nagsapo nin matinding paso si Kean sa saiyang pandok, walang parte kan saiyang lawas, daghan, asin tabay.
Asin sagkod ngonian, an mga bandages sa saiyang hawak dai pa nahahale pagkatapos na tawan siya nin first aid sa Zurich.
Dugang pa kan ina na napanatag na siya ngonian huli ta an mga paso na sinapo kan saiyang aki bako nang pangenot na problema asin an importante buhay pa si Kean.
Mantang sa presente an gobierno kan Italya an responsable sa pagpabulong sa soltero.
Mientrastanto, sinabi man ni Kristal na amay pa nganing maaraman an pagrahay kan aki, huli ta pigbabantayan ngonian kan mga doktor an kondisyon ni Kean, partikularmente sa mga posibleng impeksyon.
Mientras tanto, makusog an pagtubod ni Kristal na hangga’t dae magkaigwa nin lung infection an saiyang aki, igwa nin paglaom na makakaligtas asin makakarahay ini.
