Pormal ng nagsumitir an Pilipinas nin entitlement claim sa United Nations para sa pagpapalawig kan continental shelf kan nasyun.
Sa claims na isinumitir kan National Mapping and Resource Information Authority, nakalaag na papalawigon pa an continental shelf kan Pilipinas sa parte kan West Philippine Sea.
Basado sa international law, nasa 200 nautical miles hasta 350 nautical an pwedeng maging continental shelf hali sa baybayon kan sarong nasyun.
Nasa 10 taon man na pinag-adalan ini kan ahensya antes na matapos asin maisapinal.
En kasong aprobaran ini kan United Nations, dakula an maitatabang kaini ngani na maipahiling na an Pilipinas an talagang nakakasakop sa West Philippine Sea asin bakong an China.
Magigirumduman na taong 2018 kan magsumitir asin maaprobaran man kan United Nations an entitlement claim kan Pilipinas para sa Benham Rise.
