LEGAZPI CITY- Ipiglalatag na an mga safety asin security procedures sa provincia kan Sorsogon katakod kan pinag-aantisiparan na pagruso kan mga domestic asin foreign tourists.
Segun ki Sorsogon Provincial Tourism head Bobby Gigantone sa intrevista kan Bombo Radyo Legazpi na mawot ninda na maipromotir an religous tourism ngunyan na panahon kan Semana Santa.
Ini an kasunod man kan pagbubukas kan Station of the Cross sa banwaan kan Casiguran, Sorsogon.
Pigkakarkulo man na rinibong pilgrims an mabisita sa nasabing lugar sa Semana Santa.
Mientras tanto, kasabay kan pagbulos kan mga turista, mawot kan gobierno provincial na masi-sierto man an seguridad asin pangangataman sa kapalibutan kaya nangapudan ini sa publiko na magin responsable.
