Gadan an sarong babaeng security guard na binistong si “Joy” asin sarong dae dae pa namimidbidang lalaki makalihis madukayang parehong may tama nin bala sa payo sa laog kan saindang pig-iistarang kwarto sa sarong boarding house sa Brgy. Castillo, Davao City.
Susog sa report kan pulisya, nadangog suboot kan mga kataraid nindang boarder an sunod-sunod na putok kan badil hale sa kwarto kan babae, rason nganing tulos nindang i-report ini sa mga awtoridad.
Paglaog kan mga pulis sa kwarto, tuminambad sainda an mga bangkay kan duwang biktima, sarong 9MM na badil, pirang basyo kan bala, asin personal na gamit.
Basado sa kuwa kan CCTV, mahihiling na naglaog si Joy sa kwarto na sinundan tulos kan lalaking biktima.
Padagos an imbestigasyon kan mga awtoridad sa insidente asin dae pighahale an posibilidad na ini an kaso nin murder-suicide.
Kasabay kaini, pig-aaram na man kan mga pulis an tunay na relasyon kan duwa nganing maaraman an motibo asin mga pangyayari bago an pambabadil.
