Tinanggal kan Phoenix Suns si head coach Mike Budenholzer makalihis an sarong nakakadismayang 36-46 na record, na nagbugtak sainda sa ika-11 puwesto sa Western Conference asin dae nakalaog sa play-in tournament.
Sa ibong kan may pinakahalangkaw na payroll sa NBA asin pinangenotan kan mga main players na sinda Kevin Durant, Devin Booker, asin Bradley Beal, nabigo an koponan na makamit an piglalaomang trayumpo.
Si Budenholzer, sarong Arizona native asin dating kampeon sa NBA kan 2021 kaiba an Milwaukee Bucks, an pinirmahan kan Suns sa sarong limang taong kontrata na nagkakantidad nin $50 million.
Siring man, dae nag-click an saiyang istilo sa mga player , asin nagluwas an mga bareta kan tensyon sa pagulatangan kan coach asin kan saiyang koponan.
Ini na an ikatulong sunod na taon na nagpalit nin head coach an Suns, na nagpapahiling kan padagos na paghahanap nin tamang liderato para sa saindang roster.
Sa presente, nahahampang an koponan sa importanteng desisyon mapadapit sa futuro kan mga key players, partikulamente na sinda Kevin Durant asin Bradley Beal.
