LEGAZPI CITY- Naglilibot ngonian an tulong teams hale sa central office kan Philippine Institute of Volcanology and Seismology (PHIVOLCS) sa palibot kan Bulkang Mayon tangarig na iberipikar kun pwede nang ibaba ang nakabanderang Alert Level 2 status.
Sarong taon na man an nakakaagi puon kan mag-alburoto ini mantang kaitong Disyembre 27, 2018, naobserbaran an pinakahudyan na phreatic eruption sa bulkan.
Sa ekslusibong intrevista kan Bombo Radyo Legazpi ki PHIVOLCS resident volcanologist Dr. Ed Laguerta, tinawanan kan saro hasta duwang semana an teams sa pag-aadal sa mga aktibidad kan bulkan siring kan buga kan asupre, linog, paghubag asin iba pang parametro.
Segun pa ki Laguerta, hibabaw na an fault kan mga pinakahudyan na pagputok na indikasyon kan nagluyang pwersa sa laog.
Sa ibong na lado, nilinaw man kaini na dae pa dapat na magpakakumpiyansa sa pagsakat sa bulkan urog na nagtetenir na nakahuma an peligro sa pagrasay nin bato o pagbulos kan pyroclastic materials.
