LEGAZPI CITY- Nagpapadagos an aktibidad kan bulkang Mayon, na presenteng nasa alert level 3.
Basado sa datos kan Philippine Institute of Volcanology and Seismology na nakapagrehistro liwat nin maluyang strombolian activity asin panandalian na lava fountaining sa nakalihis na magdamlag.
Na-monitor man an nasa 208 volcanic earthquakes, 165 na rockfall asin duwang pyroclastic density current o uson.
Afuera digdi, nagpapadagos man an pagbulos kan lava na uminabot na an lawig sa 3.8 km sa Basud gully.
Sa parte man kan Bonga, nasa 3.2 km na an naibulos na lava asin 1.3 km sa Mi-si gully.
Mientras tanto, nasa 3, 550 na tonelada man an nasukol na sulfur dioxide na nairehistro kasuudma, Marso 30.
