Nabisto na kan Quick Response Team kan Philippine Institute of Volcanology and Seismology (PHIVOLCS-DOST) an fault na nagkawsa kan mapaminsalang magnitude 6.9 na linog sa Cebu kan Martes na banggi, Setyembre 30.
Susog sa ahensya, nahanap kan team an onland extension kan fault sa may Sitio Looc, Barangay Nailon sa Bogo City, na pinakamatinding tinamaan nin linog.
Pinangaranan kan ahensya an fault bilang Bogo Bay Fault.
Sa presente, nakapagrehistro na an Phivolcs nin labi sa 4,300 aftershocks puon kan nagtama an magnitude 6.9 na lindol.
May kusog an mga aftershocks nin magnitude 1.0 sagkod magnitude 5.1.
Padagos na pig-aabisuhan kan ahensya an publiko na magtenri na alerto huli sa mantang mahupa na an kusog asin mga nairerehistrong aftershocks posible man giraray suboot na mairehistro an makusog na aftershocks.
 has identified the fault that caused the devastating magnitude 6.9 earthquake in Cebu on the night of Tuesday, September 30.){kind=link}