LEGAZPI CITY – Nagpagirumdom sa publiko an Philippine Dermatological Society na dae ipagpasipara an mga sintomas kan fungal infections.
An Dermatophytosis kaya o an mas bisto na fungal infection an kompwesto kan buni, hadhad asin iba pang helang sa balat.
Segun sa Dermatologist na Mary Jane Uy sa intrevista kan Bombo Radyo Legazpi na madali an pagbulong kuta kan siring kaining kondisyon alagad mas pigpipili kan mga nagkapira na pigpapasipara sana kan iba kun kaya naglalala.
Komon suboot sa mga pilipino na magtarago na sana tuyong nagkakaigwa nin helang sa balat huli sa kakulangan nin kaaraman sa saindang mga kondisyon na pigkakahampang.
Pigtaram pa kan espisyalista na saro sa mga peligro na nangyayari sa mga naga self medicate iyo an nagkakaigwa na nin side effect kan steroid abuse huli sa paggamit kan dae man ninda pigrerekomendang mga bulong asin nababakal sana suboot sa mga tiendahan.
Saro man sa mga rason kun ngata naglalakop sa lawas kan sarong tawo an impeksyon iyo an pagkakaigwa pa nin iba pang helang o namamatean partikulamente an diabetic asin mga naggagamit nin diaper o mga sanitary napkin.
Pagdoon pa ni Uy na dae man kinakipuhanan na masakitan kan mga pilipino sa mga worst case scenario huli ta madali lang suboot ipabulong an mga siring kaining skin condition.
