LEGAZPI CITY-Pig-eenganyar kan Philhealth Bicol an mga miembros kaini na aprobitsaran an ‘Yakap program’.
Ipighayag ini kan ahensya makalihis an isinagibong taunang conference ngonian na aldaw kun sain pig-convene an mga media officers asin gabos na information offricers sa gabos na ahensya kan gobierno sa provincia kan Albay.
Segun kay Philhealth Regional Office 5 Public Affairs Unit Head Leri L. Ilagan, sa intrrevista kan Bombo Radyo Legazpi na ‘preventive’ an programa kaibanan an saindang pag-avail kaini maski dai pa nagkakaigwa nin helang.
Paliwanag ni Ilagan, na bako sana kun kaipuhan na confinement o naghehelang na ini maa-avail kundi obheto kaini na masierto na makakakua nin tabang an mga miembros sa korporasyon.
Kabale sa ma-aavail enkaso magparehistro sa yakap an 21 medicines, 13 laboratories, na libreng makukua sa mga government yakap facility kan mga miembros.
Huli digdi, nangapudan an opisyal na aprobitsaran na an programa para sa saindang salud.
