Irido an sarong personahes hale sa Bureau of Fisheries and Aquatic Resources (BFAR) makalihis na tamaan nin bubog hale sa napasa na bintana, na resulta kan pag-atake kan China Coast Guard sa water cannon sa barkong BRP Datu Gumbay Piang.
Susog sa report kan Philippine Coast Guard (PCG), nangyari an insidente mantang pigsasagibo kan BRP Datu Gumbay Piang an misyon sa laog kan West Philippine Sea, harani sa Bajo de Masinloc.
Segun sa PCG, nagsapo nin matinding danyos an nasabing barko, kabale an:
Napasa na salming sa likudang parte kan tulay kan barko, naraot na partisyon sa captain cabin, short circuit na nakaapektar sa mga electrical outlet asin limang outdoor air-conditioning units na dae na naggagana.
Sa kuwang video hale sa PCG an nagpapahiling nin matinding presyon kan tubig hale sa China Coast Guard na tuminama sa barko kan Pilipinas, na nagkawsa nin takot asin peligro sa mga sakay kaini.
An pangyayari saro na namang halimbawa kan nagpapadagos na tensyon sa West Philippine Sea, kun saen an mga barko kan Pilipinas nahahampang sa agresibong aksyon kan mga barko kan China mantang piggigibo an saindang mandato na protehiran an mga parasirang Pilipino.
Padagos an pangapudan kan mga awtoridad kan Pilipinas para sa pagrespeto sa soberanya asin deretsos humanos sa kadagatang sakop kan nasyon.
 was injured after being hit by a bullet from a broken window, as a result of the China Coast Guard's water cannon attack on the BRP Datu Gumbay Piang ship.){kind=link}