LEGAZPI CITY – Paramientras na pigpupundo muna kan nagkapirang pedicab drivers sa Barangay Bonot, Legazpi City an saindang pagpapasada tuyong harani na an Undas.
Paliwanag ni alyas Ruel sa intrevista kan Bombo Radyo Legazpi na mas pigpipili muna ninda na dae na magpasada huli ta pig-ookupa kan mga behikulo an saindang paradahan urog na an mga nagbibisita sa Legazpi City Catholic Cemetery.
Sa ibong kaini nakakakuwa pa man suboot sinda nin extra-income tuyong undas huli sa pag-assist sa mga behikulong naga-park sa saindang paradahan.
Sa presente an padagos pa man an saindang pagpapasada huli ta dae pa man nagruruso an cemetery-goers na may mga sadiring behikulo.
Pigdoon man ni Roel na dae man ninda ipig-aagrangay an saindang sitwasyon tuyong undas huli ta mas dakula an saiyang nakukuwang ganansya sa pag-tabang sa mga nagpa-park sa saindang paradahan kompara sa normal na aldaw nin pagpapasada.
