LEGAZPI CITY—Natiklo an sarong pedicab driver sa kinundusir na drug buy-bust operation kan pinagsarong pwersa kan Tabaco City PNP, Albay Maritime Police asin PDEA Region 5 sa Purok 1, Barangay Bacolod, Tabaco City.
Segun ki Tabaco CPS PIO PSSg Elaine Adriano, sa intrevista kan Bombo Radyo Legazpi, minidbid an suspetsado sa alyas “Mano”, 42-anyos asin sarong pedicab driver.
Nakumpiskar sa suspetsado an pinagtutubudang shabu na may gabat na 1.01 gramo na may kantidad na P6,868.00.
Sa presente, nasa kustodiya na kan Tabaco City Police Station an suspetsado asin mahahampang sa kasong pagbalgar sa Republic Act 9165 o Comprehensive Dangerous Drugs Act of 2002.
Mientrastanto, padagos man an pagpapaotob kan Tabaco CPS sa kampanya kontra ilegal na droga.
