Sienerto kan Partido Demokratiko Pilipino (PDP) ang kahandaan kaining tabangan si Sen. Ronald Dela Rosa sa anumang paraan asin pagkakataon.
Segun ki PDP Deputy Spokesperson Ferdinand Topacio, si Dela Rosa an saro sa mga natatanging miyembro kan partido bilang opisyal asin saro sa tolong senador na kumakatawan sa grupo.
Huli digdi, nakahanda suboot an PDP na ipagkaloob saiya an gabos nin tabang na kayang itao kan sarong political party anumang oras, nganing matabangan an senador sa saiyang presenteng kinakahampang na problema.
Pagdoon ni Topacio, nagtitinir na solido an suporta kan PDP para sa dating Philippine National Police chief, sa ibong kan saiyang presenteng sitwasyon.
Kinondena man ni Topacio an suboot pauro-utro na pagsasabi ni Ombudsman Jesus Crispin Remulla na igwa nang arrest warrant laban sa senador.
Segun saiya an ginibo ni Remulla na pag-leak sa suboot arrest warrant gikan sa International Criminal Court (ICC) an sarong panibagong paglapastangan sa soberanya asin kasarinlan kan nacion.
Kun babalikan an labi sa sarong bulan nang dae nag-aatendir sa sesyon kan Senado si Dela Rosa kasunod kan naging pagbuyagyag ni Ombudsman Remulla sa arrest warrant.
