Naggagamit na an Pilipinas nin makabagong teknolohiya ngani na mahanap an mga barko kan China na nagrarani sa satong teritoryo.
Segun kay Philippine Coast Guard spokesperson for the West Philippine Sea Commodore Jay Tarriela, pig-aapod ini na “Dark Vessel Technology” na hali asin pigdevelop kan mga eksperto kan Canada.
Kaya kaining madetect asin mabisto an sarong barko maski pa naka-off an automatic identification system.
Ini suboot an ginamit kan Philippine Coast Guard ngani na mabantayan an hiro kan “The Monster” o China Coast Guard 5901 ship na pinakadakula ng barko kan China.
Sa tabang kaini, naglalaom na opisyal na maiibitaran na an mga insidente kung sain nakakalusot an mga barko kan China sa satong monitoring.
Magigirumduman na ngunyan na taon sana kan makumpirma an paglaog kan barko kan China sa katubigang harani sa kadagatan kan Viga sa Catanduanes.
Dae tulos ini nabisto huli ta naka-off an automatic identification system asin dae man nakipagkoordinar sa gobyerno kan Pilipinas.
