LEGAZPI CITY – Hagad kan Coast Guard District Bicol an tabang kan mga lokal na gobierno asin barangay sa pagbabantay sa mga naglulusot sa borders na dai nag-aagi sa mga pantalan.
Aminado si CGD Bicol Deputy Comm. Wilmo Maquirang na kulang an personahes asin resources sa pagbabantay sa halawig na shoreline kan island provinces.
Pahayag ini ni Maquirang sa Bombo Radyo Legazpi makalihis an report kan mga insidente nin nag-uuruling mga residente sa parte kan Catanduanes asin Masbate na dai nag-agi sa tamang proseso na ipigpapaotob sa tahaw kan COVID-19 pandemic.
Segun pa ki Maquirang, limitado man an kapasidad sa pagbabantay kun kaya mas magigin epektibo suboot an kooperasyon kun tarabang-tabang lalo na an mga nasa coastal barangays.
Ini an masagibo kan counteractions tanganing makatabang sa pagkontrol kan naglalakop na COVID-19.
Buhay an ipigkakaag sa peligro kan mga nasabing lakdang, dugang pa kan PCG Bicol official.
