LEGAZPI CITY-Ipinaliwanag ni President Ferdinand Marcos Jr. an saiyang nagin pagbati kay Chinese President Xi Jinping sa APEC Economic Leaders’ Meeting sa Gyeongju South Korea.
Segun kay President Marcos, an nasabing pakikidamay an sarong simpleng paghiro nin paggalang sa kapwa niya lider sa estado.
Nangyari an halipot na interaksyon sa seremonya kun sain pig-turnover kan APEC chairmanship hale sa South Korea pasiring sa China, na siyang magigin host kan APEC Summit sa masunod na taon.
Segun kay Marcos, pigranihan niya an Chinise President ngani bation huli sa pangengenot kan China sa nasabing miting, sa tahaw suboot kan magigot na seguridad kaini bilang sarong lider.
Dagdag pa niya, an pagbati an parte kan diplomatikong gawi asin dai dapat pagtawanan nin ibang kahulugan bilang pormal na pagoolay o anumang pagbabago sa posisyon kan nacion.
Magigirumduman na padagos man giraray an tensyon sa pagultanan kan Pilipinas asin China kasunod kan isyu sa West Philippine Sea.
Liwat sa warang nakatalagang bilateral meeting sa pagultanan kan duwang nasabing lider, an pigsisierto man suboot ni Marcos na nagtetenir na bukas an nacion sa dayalogo asin kooperasyon sa irarom kan mga regulasyon kan internasyunal na ley.
An APEC Summit 2025 sa Gyeongju South Korea an nakatuon sa mga isyung siring kan digital trade, AI governance, asin economic resilience, kun sain nangangapudan an mga lider nin mas makusog na pagtatarabangan sa tahaw kan mga pagkakaiba sa pulitika.
