Ipigsugo ni Presidente Ferdinand Marcos Jr. sa mga law enforcement agency sa Zamboanga City an sarong hararom na imbestigasyon katakod sa madugong insidente nin panmbabadil sa Ateneo de Zamboanga University nganing matukoy an mga pagkukulang asin maaraman kun ano pa an pwedesir na gibohon nganing malikayan an pag-utro nin siring na trahedya.
Nagpa-abot man nin pakikidumamay si Presidente Marcos sa mga pamilya asin sa bilog na komunidad kan Ateneo de Zamboanga na naapektaran kan trahedya.
Tinawan-doon ni Castro na ang mga eskwelahan an dapat magin ligtas na lugar kun sain pwedesir makaukod, lumago asin mangiturugan an mga kajovenesan nin warang takot.
Mantang pribadong eskwelahan an Ateneo de Zamboanga, sinabi ni Castro na saklaw kan direktiba an gabos kan eskwelahan, pribado man o pampubliko.
Afuera sa seguridad, tinawan-doon man ni Castro ang importanteng papel kan mga magurang asin paratukdo sa paggabay sa ma kajovenesan.
Segun saiya na dapat magin maray na halimbawa ang mga paratukdo asin eskwelahan sa paghubog kan asal asin pagpapahalaga kan mga estudyante.
Nagpasaring man si Castro na dae i-itolerate an mga pagbabanta sa buhay, lalo na sa social media.
Segun ki Castro, dae dapat gibohong normal o tanggapon an mga pahayag na nag-uudyok nin karahasan.
Tinawan-doon niya na responsibilidad kan gabos —gobyerno, eskwelahan, magurang asin komunidad ang pagkrear nin mas salbado na kapalibutan para sa mga kajovenesan asin paglikay sa mga insidenteng pwedesir mag-abot sa panibagong trahedya.
