Natukar sa nagpapadagos na impeachment trial kontra ki Vice President Sara Duterte ang kontrobersyal na pangungulog niya mantang nagseserbi bilang Mayor sa Davao City sa dating sheriff kan Regional Trial Court (RTC) Branch 16 na si Abe Andres.
Sa naging cross-examination ni defense counsel Atty. Mark Vinluan, hinapot kaini si NBI Director Melvin Matibag kun aram kaini na an nag-udyok kay Duterte na kulugan an sheriff an huli sa pagsayuma kaini na magkaigwa nin duwang oras na extension antes ipaotob an demolition sa nasabing lugar.
An nasabing extension an hinagad ni Duterte bilang konsiderasyon sa mga residente kan sinalanta kaito kan bagyo.
Inihayag man ni Matibag na wara siyang kaaraman sa anuman na bilog na detalye sa pangyayari.
Marurumduman na nagin orolay man an paghampang ni Andres bilang testigo sa impeachment trial, alagad nangapudan ini na dae na siya ipagdamay sa ribok asin kariribukan sa politika.
