LEGAZPI CITY-Nangangapudan man si Senador Kiko Pangilinan sa Independent Commission for Infrastructure (ICI) na isapubliko an mga pigkakasang mga pagdangog para sa transparency asin accountability.
Segun kay Pangilinan, bako bastante an nagin desisyon kan komisyon na ulangan an publiko na masubaybayan sa
online an saindang mga pagdangog.
Kasunod kaini, sinabi man kan komisyon na kaipuhan nindang ibitaran an “trial by publicity” asin mapugulan an paggamit kan mga pagdangos para sa pansadiring interes o pampulitikang agenda kan sisay man o magin kan anumang grupo.
Tinawan doon man kan senador, na siyang namamayo sa Senate Committee on Justice and Human Rights, na nagpopoon an mga corruption scandals sa kakapusan kan sistema para sa hustisya.
Sinabi pa ni Pangilinan na importante an makaskas na paglitis asin paghatol nin mas magagabat na padusa, asin gibuhong non-bailable offense an korupsyon ngani masierto an paninimbagan asin maayos na gobierno.
Sa huri, nangangapudan giraray si Pangilinan sa Independent Commission for Infrastructure (ICI) na buksan an mga pagdangog asin nagbabala na dai pagulangan an taumbayan na maaraman an mga katotoohan.
