LEGAZPI CITY — Desidido an pamilya kan 16-anyos na menor de edad na ipadagos an kaso kontra sa mga barangay tanod na nangulog sa aki sa Barangay Rizal ciudad kan Legazpi.
Sa ekslusibong intrevista kan Bombo Radyo Legazpi sa biktima, isinaysay kaini an pambubungag, pananapak asin pamumukpok nin batuta kan mga tanod makalihis an nangyaring iriwal sa lugar.
Segun sa biktima, may nakaiwal an kuya kun kaya sinurugan an tugang alagad may kapot na kutsilyo an kaiwal kun kaya sinaway na sinda kan kabarkada asin naghale na.
An nakaiwal suboot kan saiyang tugang an nag-apod ki tanod na nagresulta sa burukudan. Makalihis na madakop kan menor de edad,
Istorya kaini na afuera sa pambubungag, sinabihan suboot ini kan tanod na isa-salvage siya.
Maging an nag-abot na saro pang tanod an nanapak man suboot saiya. Pignigaran man kaining nag-dirty finger sa mga tanod asin sinabing an mga nag-iriba kaini an naggibo.
Mientras tanto, sienerto man kan tiyaon kan biktima na si Sandra Morales na kakasuhan an mga imbweltong persona makalihis na mahiling sa video an pangyayari.
Aminado man ini na pasaway asin may record na an aki sa barangay alagad bako suboot tama an ginibo kan mga tanod.
Nahiling man suboot kaini kan magpasiring sa barangay hall na pig-aambahan kan duwang tanod an pamangkin hasta sa darahon sa istasyon kan pulis kun sain i-blinotter kan mga tanod an aki.
