LEGAZPI CITY- Aminado an Pamilya Batocabe na nakakamati nin takot makalihis na paramientras na makalibre an pigtutukdong “mastermind” sa panggagadan ki Party-list Congressman Rodel Batocabe.
Magigirumduman na Mierkules kan maibaba an release order ki Daraga Mayor Carlwyn Baldo makalihis an pagtugot kan korte na makapagpiyansa ini sa mga kinakahampang na reklamong illegal possession of firearms and ammunition, siring man an illegal possession of explosives.
Sa intrevista kan Bombo Radyo Legazpi ki Atty. Justin Batocabe, matuang aki kan ginadan na lehislador, dawa pa dae pa napoprobaran kun igwang katotoohan o dae an mga binutasang alegasyon kontra sa alkalde, dae man giraray maibitaran na mahadit sa posibleng kadahasan na magbungkaras.
Sa ibong kaini, nanindogan man an abogado na dae mauulangan an mga dapat pang gibuhion urog na ngonian na nasa campaign period pa kun kaya business as usual man giraray an pagbuhay-buhay.
Nagpasalamat man si Atty. Justin sa seguridad na ipigtatao kan pulisya sa saindang pamilya.
