LEGAZPI CITY — Nagpasalamat an pamilya Batocabe sa pagtugot kan mga kongresista na magkaigwa nin necrological service para ki Ako Bicol (AKB) Partylist Rep. Rodel Batocabe kasubagong aga.
Segun ki Atty. Justin Batocabe, matuang aki kan ginadan na lehislador, haloy nang pigplano an necrological service para ki Cong. Batocabe na pinagbigyan man kan Kamara de Representantes.
Dugang pa kaini na tinawan sinda nin tsansa na magkaigwa nin memorial service para sa ama maski pa wara na an hawak kaini.
Nagtao man nin mensahe an mga ugos na amigo kan kongresista, mga katrabaho sa Kongreso, kapwa abogado, mga Justices asin dakol pang iba.
Mientras tanto, aminado man an joven na Batocabe na ngunyan pa sana sinda nakakapagluksa sa pagkawara kan ama huli ta dakol na bagay an inasikaso kan bawian ini nin buhay.
