LEGAZPI CITY — Dakulang honra para sa Philippine Army na serbihan nin full military funeral honors an namaaram na batikang aktor na si Eddie Garcia.
Segun ki Maj. Ricky Anthonay Aguilar, officer in charge kan Division of Public Affairs Office (DPAO), Philippine Army sa intrevista kan Bombo Radyo Legazpi, sarong kaogmahan na tawanan nin honra an saro sa mga showbiz icon asin kahimanwang Bicolano.
Alagad segun ki Aguilar, kaipuhan na mag-agi sa mga procedemiento siring kan pagpasiring sa general headquarters particular sa Reservist and Retiree Affairs tangarig maproseso an mga dokumento.
Siring man suboot an kaipuhang gibuhon kun mawot na i-half-mast an bandera kan nacion.
Oras na maaprubahan, sinabi kan opisyal na mababa nin direktiba sa line units asin maitatao an tamang military honor.
Dugang pa ni Aguilar na maski sarong artista si Garcia, may piggagampanan man giraray ining papel bilang sarong suldado asin dating miembro kan Philippine Scout.
