LEGAZPI CITY—Ipigheras kan Masbate Provincial Police Office na nagin matoninong an pagsabat kan Bagong Taon sa probinsya kan Masbate.
Segun ki Police Captain Estrella Torres, an tagapagtaram kan Masbate PPO, sa intrevista kan Bombo Radyo Legazpi, na wara sindang nairehistrong untoward incidents sa pagselebrar kan Bagong Taon sa nasambitang probinsya.
Dugang kan opisyal na maabot sa 16,000 na mga ilegal na paputok asin 73 na mga improvised boga an saindang nakumpiskar sa lugar.
Mientrastanto, sinabi man kaini na 24/7 na nakabantay an saindang mga kapulisan sa mga manlaen-laen na lugar kan pagsabat kan Bagong Taon.
